Ábyrg umhverfismálastefna er mikilvægur þáttur í rekstri Farice. Lífríkið við sjávarbotn er viðkvæmt fyrir áreiti og þar liggur strengurinn. Markmið okkar er að valda ekki röskun í lífríki sjávar til að viðhalda ríkjandi jafnvægi.

Strengurinn er grafinn niður í sjávarbotninn þar sem það er mögulegt. Yfirborð strengsins er úr efnum sem ekki skaða umhverfið. Þegar strengurinn liggur yfir harðan sjávarbotn getur hann orðið athvarf fyrir lífríkið og ýmis smádýr.

Ísland og Færeyjar hafa nýtt auðlindir sjávar um aldir. Virðing fyrir lífríki sjávar og skilningur á mikilvægi umhverfisverndar liggur til grundvallar öllum ákvörðunum Farice.