Það hefur átt sé stað umfangsmikil þróun í stafrænum fjarskiptum undanfarin 50 ár. Þróunin hefur gert kleift að byggja alheimsnet fjarskipta sem enginn sá fyrir. Það er fátt sem sýnir betur hvernig hagsmunir þjóðfélagsins byggja á vísindum og tækni heldur en tilkoma sæstrengs. Sæstrengir hafa haft áhrif á stjórnun þjóða, þekkingu á umheiminum, bundið enda á einangrun, og síðast en ekki síst myndað sístækkandi og samfelld efnahagssvæði þrátt fyrir landfræðilegar fjarlægðir.

Aðgengi að fjarskiptastreng sem lagður er á þurru landi er ólíkt einfaldara en þegar sæstrengur á í hlut. Sæstrengir eru iðulega lagðir yfir ókannaðan sjávarbotn. Sé það mögulegt þá eru þeir grafnir í botnlögin með fjarstýrðum tækjum. Sæstrengir verða að vera nógu sterkir til að halda uppi mörgum kílómetrum af eigin þunga við lagningu þeirra úr skipum á rúmsjó. Þeir verða að þola ómældan þrýsting í langan tíma þar sem þeir liggja á sjávarbotni. Þeir verða að standast rask frá veiðarfærum, akkerum, netum, jarðskjálftum, botnskriðum, jafnt sem soltnum sjávardýrum.

Af öryggisástæðum er almenningi ekki veittar tæknilegar upplýsingar um Farice strenginn. Gagnlegar upplýsingar um tækni og búnað sem tengist neðansjávarstrengi er þó víða að finna. Hér til vinstri má finna vefsíður með upplýsingum og skrám til niðurhals.