Nokkrar staðreyndir um netið

Afkastageta

Sæstrengir Farice byggja á tækni sem er í grunnatriðum sú sama og nýjustu sæstrengir nýta.  Framfarir í endabúnaði þar sem gögnin eru mótuð inná strengina nýtast sæstrengjum beint þannig að endabúnaður hefur verið og mun verða uppfærður frá upphaflegri tækni.    Með þessu má framlengja líftíma strengjanna um mörg ár og sem stendur er grunnafkastageta strengjanna miklu meiri en það sem hefur verið vikjað til notkunar.  Ef þróun í notkun heldur áfram sem horfir á eldri strengurinn FARICE-1 að duga vel fram á næsta áratug, þ.e.a.s. vel fram yfir 2020.  Þótt nýting strengjanna sé á bilinu 1-2% af fullri afkastagetu þegar þetta er skrifað árið 2016 er ekki þar með sagt að þeir séu vannýttir eins og gjarnan má heyra í umræðunni.   Það kostar að stækka afkastagetuna þar sem efla þarf afkastagetu endabúnaðar fyrir hvert skref sem er 100Gb/s í hvert sinn.  Jafnframt þarf að leigja af þriðja aðila sambönd á landi. Allt tal um að Farice á einhvern hátt takmarki bandbreidd á ekki við rök að styðjast.

Á þriðja ársfjórðungi 2015 er Farice að selja um 420 Gb/s í heildina milli Íslands and Evrópu  sem dreifist jafnt yfir FARICE-1 og DANICE sæstrengina.  Hér fyrir neðan má sjá heildarafkastagetu sæstrengjanna miðað við núverandi getu endabúnaðar.  Til að virkja hins vegar sæstrengina að fullu þarf að fjárfesta í búnaði fyrir marga milljarða króna.

Umferðartöf (e. latency)

Imferðartöfin, þ.e.a.s. tíminn sem það tekur gögn að fara frá A til B er hér sýnd í millisekúndum.  Umferðartöfin ræðst að mestu af hraða ljóseindar í ljósleiðara sem er um 2/3 af hraða ljósleiðara í lofttæmi.  Töf í búnaði er hverfandi lítil en áætluð 1 msek. í heildina.  Mælingin miðar við pakka sem eru 64 bæti að stærð.  Umferðartöf mælir aðra leið en til samanburðar þá mælir Ping skipun báðar leiðir sem einnig kalla RTT (e. Round Trip Time). 

_{^{1) Verne Ásbrú og Múli Reykjavík eru nánast jafnlangt frá B}}